الرئيسية > كود سبور > إقالتو من المغرب سبقاتو لفرنسا.. “ليكيب”: خاليلوزيتش مسكين تابعاه اللعنة
11/08/2022 10:00 كود سبور

إقالتو من المغرب سبقاتو لفرنسا.. “ليكيب”: خاليلوزيتش مسكين تابعاه اللعنة

إقالتو من المغرب سبقاتو لفرنسا.. “ليكيب”: خاليلوزيتش مسكين تابعاه اللعنة

كود سبور//

وصلت خبار الناخب الوطني وحيد خاليلوزيش إلى فرنسا بشكل سريع، بحيث أن المتتبعين الفرنسيين والإعلام الفرنسي طرق بدورو للرحيل ديال وحيد الوشيك عن المنتخب الوطني المغربي قبل مونديال قطر.

جريدة “ليكيب” الرياضية من بين وسائل الإعلام الفرنسية لي تبعات القضية ديال وحيد خاليلوزيش، وقالت على أن النهاية ديالو قربات وأنه دابا دخل فمفاوضات مع الجامعة الملكية المغربية لكرة القدم باش يتم الانفصال عليه.

الجريدة الفرنسية اختارت فحديثها عن وحيد خاليلوزيش والرحيل ديالو الوشيك عن المنتخب الوطني المغربي، سرد التجارب ديالو مع المنتخبات لي دربها قبل المنتخب المغربي، بحيث وبناء على هاذ التجارب وصفاتو بالملعون، بحكم أنه أهل منتخب كوت ديفوار لكأس العالم 2010 وما رافقوش، ومن بعد منها أهل منتخب اليابان لمونديال 2018 وحتى هو ما رافقوش، وأكدت على أن هاد السيناريو قريب يتكرر مرة أخرى مع المنتخب المغربي لي تأهل معاه لكأس العالم قطر 2022، وصبح فطريقو للإقالة ماشي باش يرافقو للمونديال.

للإشارة فالجامعة الملكية المغربية لكرة القدم خبرات وحيد خاليلوزيش على الرغبة ديالها فالانفصال عليه، وإنهاء المشوار ديالو المثير للجدل وكتسعى لفك الارتباط معاه بشكل ودي، وكتجه نحو تكليف وليد الركراكي المدرب السابق ديال الوداد الرياضي بقيادة المنتخب المغربي خلال المرحلة المقبلة.

https://www.lequipe.fr/Football/Actualites/Le-selectionneur-du-maroc-vahid-halilhodzic-sur-le-depart/1347522

موضوعات أخرى

28/09/2022 08:00

مصدر فالديوانة لجورنال اسباني : المنتوجات المغربية بوحدها اللي غادي تدخل لسبتة عبر الجمارك التجارية والواردات الاسبانية غادي تدخل للمغرب من طنجة