الرئيسية > آش واقع > إصابة سائحة شينوية بفيروس “كورونا” ف الشاون، مندوب الصحة ل”كود”: هذي نزلة برد عادية وحالتها غير مقلقة
27/01/2020 13:40 آش واقع

إصابة سائحة شينوية بفيروس “كورونا” ف الشاون، مندوب الصحة ل”كود”: هذي نزلة برد عادية وحالتها غير مقلقة

إصابة سائحة شينوية بفيروس “كورونا” ف الشاون، مندوب الصحة ل”كود”: هذي نزلة برد عادية وحالتها غير مقلقة

عفراء علوي محمدي- كود//

نفى خالد أمل، المندوب الإقليمي لوزارة الصحة فالشاون، ما يروج على مواقع التواصل الاجتماعي وبعض المواقع الإخبارية بخصوص إصابة شينوية فالمنطقة بفيروس “كورونا” وإخضاعها للحجر الصحي.

أمل قال، فتصريحو ل”كود”، باللي السائحة الشينوية “تصابت بنزلة برد عادية، ودخلات للمستشفى من أجل الفحص، وتبين بعد ذلك بللي ما عندها حتى شي حاجة، وخرجات بحالها فالبلاصة”.

وطلب أمل، فالتصريح ذاتو، من الصحافة تتأكد من صحة الأخبار الرائجة قبل نشرها، خصوصا فيما يتعلق بفيروس “كورونا” القاتل، باش مايتخلعوش الناس على دويهم.

وكان محامي والناشط الحقوقي قاطن بمدينة الشاون، علن فصفحتو على “فيسبوك” بللي سائحة شينوية تم إخضاعها للحجر الصحي فالشاون، بعدما اشتبه في إصابتها بفيروس “كورونا”.

المحامي وضح، في تدوينة ليه على موقع التواصل الاجتماعي “فيسبوك”، بللي السائحة حسات بالدوخة، فاتجهات للمستشفى العمومي اللي دارت فيه التحليلات ديالها الطبية، ومزال لحد الآن ماستطعوش يعرفو شنو عندها بالضبط، فقرروا باش تخضع لفحوصات أكثر دقة.

وأفاد المحامي بللي الشاون كتعرف توافد كبير ديال السياح الشينويين، وطالب وزارة الصحة باش تتاخذ كافة احتياطاتها “لأن شبهة انتشار المرض بالمدينة قائم، و إذا بدأ في الانتشار لا قدر الله سيصعب السيطرة عليه نظرا لكون الاقليم جله ينتمي للعالم القروي باستثناء المدينة”، على حساب تعبيرو.

موضوعات أخرى

14/08/2020 23:00

التخلف كون كان بنادم.. سيمو لايف لي فرع للناس راسهم بانه “ميليونير” حتى هو كيدير السرور: العيالات كياكلو الحوت والرجال كيضربو اللحم

14/08/2020 22:00

رئيس مركز اللقاحات فروسيا كيرد على اللي استهزؤو بيهم بسبب فاكسان كورونا: ماتسنيناهومش يصفقو علينا وطبيعي ينتقدونا حيت خسرو لملاير.. واللقاح آمن وغادي يثبت فعاليتو