وكالات//

دار واحد الإشهار ديال شركة مكياج معروفة روينة فالكويت، بسباب إعلانات ديالها للي كتشجع فيها الرجال أنهم يديرو المكياج وينهيو الاحتكار ديال العيالات ليه.

وشافو الكويتين هاد ليامات لوحات دالإشهار كبيرة فالشوارع فيها صور ديال جوج دالرجال دايرين المكياج ومكتوب عليها: “الشجاعة هي أن تحلم” و”الجمال هو الشجاعة” و”الجمال بمعنى جديد”.

هاد الإشهار نوض روينة على السوشل ميديا فالبلاد، وأغلب الآراء رافضة لهاد القضية. وبانت بزاف ديال الأصوات فالبلاد لي كتطالب جمعيات ترفع على الشركة دعوى قضائية.

ووحدة قالت ليهم: “ماقدوكومش الفلوس لي خديتو للعيالات ودابا دايزين للرجال”.