كود سبور//

خلاو إشبيلية الإسباني الدولي المغربي يوسف النصيري، يجي للمغرب يدوز عيد الفطر مع عائلتو، ومنها يبدل الجو باش يرجع لهم بمورال مزيان.

وعطاو إشبيلية عطلة للنجم المغربي يوسف النصيري حيث بطولة الصبليون موقفة هاد الويكاند، وخلاوه يجي للمغرب يدوز ما تبقى من رمضان وعيد الفطر مع دارهم فمدينة فاس، قبل ما يرجع للفريق باش يوجد لماتش الاحد الجاي بين إشبيلية ولاس بالماس ضمن الدورة 31 من بطولة الصبليون.

وكيتعتبر يوسف النصيري من ركيزة فريق إشبيلية الإسباني، بالمستوى اللي كيقدم فهاد الأعوام الأخيرة، مع العلم أن كاينة معلومات كتقول أنه قريب يمشي لفريق آخر الصيف الجاي ومن بين المهتمين به ميلان الطالياني.