كود –  The Jerusalem Post //

حسب صحيفة The Jerusalem Post، الإمام  فـ جامع الحرام بمكة دار خطبة قبل يومين من الهجوم اللي وقع فـ سيدني، لي وصفتها الجريدة بأنها “معادية للسامية ومعادية لإسرائيل”. الإمام الشيخ صالح بن عبد الله بن حميد طلب فالخطبة ديالو  من الله “يعاقب اليهود” ووصف إسرائيل بأنها عدو صهيوني حسب الصحيفة لي قالت أن الخطبة كانت موجهة لليهود فـ جميع أنحاء العالم، حتى فـ أستراليا وأمريكا وفرنسا.

الجريدة كاتزيد أن الخطبة، حتى إلا ما كانتش مرتبطة مباشرة بالهجوم، كتشجع الإرهاب وكتبرر العنف ضد اليهود وكتعطيه شرعية دينية عند بعض الناس. وزادت أن الخطبة وصلات لعشرات الملايين من المسلمين من التلفزيون السعودي ومواقع التواصل الاجتماعي، ومع ترجمات لعشرات اللغات،و تأثيرها كان كبير بزاف.

المقال ذكر تاني ان السياق التاريخي، وقال أن  الشعارات المستعملة فالخطبة كاتستحضر الصراع التاريخي بين النبي محمد وبعض القبائل اليهودية فـ خيبر، بحال شعار “خيبر، خيبر يا يهود” ،الجريدة كتقول  أن المملكة السعودية محتفظة بخطب أسبوعية بحال هادي، والموضوع خلق قلق دولي على تأثيرها على جماهير كبيرة من المسلمين فـ العالم.

الجريدة كتقول أن  اللي كيظن أن ولي العهد غادي يحبس  التحراش المعادي للسامية راه غالط  ، حيت محمد بن سلمان باغي يرسخ بلاصتو بين العرب من خلال  القضية الفلسطينية، وما غاديش يتخلى عليها حسب الصحيفة الهدف ديالو هو يبان كبطل عربي ويحقق أكبر مكاسب للفلسطينيين، وهادشي كيبين علاش التطبيع مع إسرائيل ما غاديش يوقع بلا مقابل ما دام الدولة الفلسطينية ما موجوداش.

https://www.jpost.com/diaspora/antisemitism/article-880601