وكالات//

قال تقرير ديال موقع “ميد إيست آي” البريطاني، إن إسرائيل كتواجه أزمة كبيرة ف بيع تمورها في أوروبا فرمضان الجاي، لي معروف أنها كتخدم بزاف فهاد الشهر مع المسلمين.

وعلى حساب نفس التقرير فإن إسرائيل كتتوقع أنها غادي تواجه مقاطعة كبيرة من المسلمين في أوروبا بسباب الحرب ديالها على غزة.

وباش تواجه هادشي، قررات إسرائيل تدير واحد الحيلة باش تبيع المنتجات ديالها، وهي أنها مغاديش تذكر أبدا المصدر ديال هاد التمور، يعني ماغاديش تكتب فيهم “جايين من إسرائيل”.

وكان الجورنال ديال هااريتس الإسرائيلي كتب أن الحكومة ديال إسرائيل وقفات واحد الحملة إعلانية القيمة ديالها 550 ألف دولار باش تروج للتمور ديالها فشهر رمضان، بسباب هاد القضية.