كود -وكالات//

بينات مصادر لشبكة CNN بلي إسرائيل بلغات مركان هاد السيمانة بمعلومات استخباراتية كتقول بلي كاين مخطط إيراني جديد باش يتم اغتيال الرئيس الأمريكي دونالد ترامب، وهو المعطى اللي كيقولو بعض المسؤولين أنه كان من بين الأسباب اللي خلات واشنطن ترجع درس توجيه ضربات لإيران.

وحسب نفس المصدر، مريكان كتراقب تهديدات محتملة ضد ترامب، ولكن المعلومات اللي وصلات من إسرائيل كانت فيها تفاصيل جديدة على مخطط خطير، وهو اللي زاد من مستوى القلق وسط الإدارة الأمريكية.

فوسط هاد التطورات، بقاو كيتطرحو تساؤلات على مستقبل الأزمة، خصوصاً وأن واشنطن وطهران مازال كيديرو محادثات تقنية فمحاولة للوصول لحل دبلوماسي، مسؤول أمريكي قال لـCNN بلي  مريكان مازال ملتازمة باش تلقا حل سلمي، وان هاد المحادثات مازال مستمرة.