كود – كازا ///

قالت جريدة “لاراثون” إن الشرطة الوطنية الإسبانية شدات، مؤخرا، مهاجر مغربي كيبلغ من العمر 55 عام، بعد ما شد صحة قاصر وسط محطة ديال الميترو وهدد صحابها اللي حاولو يتدخلو بجنوية.

وأضافت الصحيفة ذاتها، أن الواقعة طرات فـمحطة إنترمودال. وتمكنات الضحية من الهروب من قبضة المتحرش، قبل ما يخرج جنوية مخبيها تحت الحوايج ويهدد بيها قاصر آخر بغى يعاون الضحية.

وتوجه حراس الأمن، فور علمهم بالواقعة، إلى مكان الحادث، وبمجرد تحديد مكان المعتدي، قاموا بطرحه على الأرض حتى وصلت دورية للشرطة الوطنية، اللي تدخلات واعتقلات المعني بالأمر ولقات معاه 2 ديال جنويات.