سعيد بوناصر – كود //
علنات وزارة الداخلية الصبليونية، مرة أخرى، على تمديد تاريخ إغلاق المعابر الحدودية ديال مليلية وسبتة المحتلتين، إلى غاية منتصف ليلة 30 أبريل المقبل، بناء على واحد التعديل جديد، دارتو الويكاند الفايت.
هادشي كيكشف حقيقة فتح المعابر الحدودية، نهار 7 أبريل، كيما كان كيروج، بحيث مزال ماكاين حتى شي تغيير للقرار السابق، على مستوى المعابر الحدودية الفاصلة بين مليلية والناظور، وكذلك معبر “تراخال” بالنسبة لسبتة.
قرار تمديد السدان صدراتو وزارة الداخلية دالصبليون، وتنشر بشكل رسمي فالجريدة الرسمية ديالهم، بحيث فند كَاع الإشاعات اللي سبق انتشرات وكيروج فيها بللي فتح المعابر غيكون نهار 7 أبريل، لكن الحقيقة أنه ماغيكون والو حتى يتلاقاو وزيري الخارجية المغربي والصبليوني فالأيام المقبلة.
