كود – وكالات //

قالت جريدة إل باييس الإسبانية اليوم لاربعا بلّي مدريد عفات السفير ديالها فـتل أبيب ونفصات التمثيل الدبلوماسي ديالها فإسرائيل حسب ما نشرات فالجريدة الرسمية.

ووضحات الجريدة بلّي القرار، لي تدار فآخر اجتماع ديال مجلس الوزراء، خرج بقرار سحب إسبانيا رسمياً لرئيسة البعثة الدبلوماسية ديالها فتل أبيب، وهبطات مستوى التمثيل غير لـ قائم بالأعمال، هاد الخطوة جاية كرد لداك الشي لي دارتو إسرائيل حتى هي فالسفارة ديالها فمدريد.

العلاقات بين إسبانيا وإسرائيل كانت ديما فيها نوع من الحساسية فإسبانيا لي اعترفاتش بدولة إسرائيل حتى لعام 1986، ومن بعد تطورات العلاقات وبداو علاقات دبلوماسية كاملة بيناتهم، وتوقعات عدد من اتفاقيات للتعاون فمجالات مختلفة. ومع ذلك بقات مدريد كتربط العلاقات ديالها حتى بالموقف ديالها من الصراع الإسرائيلي الفلسطينيي.