كريم الشركي – كود //

رفضت المحكمة الإسبانية العليا، طلب مخازني مغربي باللجوء فالصبليون، بعدما كان دخل لمدينة مليلية وتقدم فيها بطلب للجوء.

المخازني قال أنه “تعرض للاضطهاد، بعدما رفض يمشي يخدم فالحسيمة و”قمع الحراكَة”، وقال أنه تعرض “للطرد والاضطهاد بسباب ضميره المهني”، حسب مزاعمه.

المحكمة ما اقتانعاتش بكلام المخازني ورفضات ليه طلب اللجوء، وهادشي اللي غايخليه فحصلة حقيقية إيلا مالقاش شي طريقة يفلت بيها من تسليمه للمغرب.