كود – وكالات //

علنات الإدارة ترامب  بلي فروع جماعة الإخوان المسلمين فمصر ولبنان والأردن ولاو منظمات إرهابية ، القرار شمل فرع الإخوان فلبنان اللي تصنف“منظمة إرهابية أجنبية” اما وزارة الخزانة فصنفات الفروع ديال مصر والأردن كإرهابيين عالميين خاصين، وفرضات عقوبات على الأصول ديالهم وأي تعامل مالي معاهم وسط وبرا الولايات المتحدة.

هاد القرار جا فإطار جهود واشنطن باش تواجه تهديدات لي محتملة للأمن القومي الأمريكي وشركائها فالمنطقة، الإدارة الأمريكية قالت أن بعض فروع الإخوان عندهم علاقات مع جماعات مسلحة بحال حركة حماس، ويمكن يعاونوها فدعم أنشطة كتعتبرها أمريكا إرهابية، خصوصاً  فالتمويل ولا الدعم اللوجستي لمجموعة متشددة فالمنطقة.

هاد القرار عندو ارتباط مباشر بالمغرب حيت  كيواجه الجماعات الدينية  لي كتستعمل الإسلام السياسي فالتأثير على الناس ، القرار الأمريكي كيمشي مع موقف الدولة المغربية فمحاربة أي نفوذ خارجي يمكن  يكون ديال  فكر الإخوان وسط  المنطقة.