گود سبور//

منوض إبعاد عبد اللطيف نصير من الطاقم التقني د الوداد الرياضي بعد يومين من التحاقو به النحل على هشام ايت منة رئيس النادي.

تحفظ عبد اللطيف نصير على طريقة الخدمة ديال الطاقم التقني للوداد برئاسة باتريس كارتيرون، وشي لاعبين اللي النيفو ديالهم طايح وماشي فمستوى الفريق الأحمر، عجل دغيا بإبعادو من البوسط الجديد فالصطاف، ويرجع يخدم مع فريق الأمل اللي محقق معهم نتائج واعرين وقدر يخرج يبين أن الوداد عندو لاعبين صغار ومدرسة يمكن يعتمد عليها خاص غير الاهتمام بهم، فبلاصة ما يمشيو يجيبو لاعبين كبار فالعمر كيفما داير هشام آيت منة اللي رجع الفرقة بحال دار العجزة.

هذا الشي كايزيد يبين أن هشام آيت منة مسير ضعيف وما قادرش على تسيير فرقة بحال الوداد الرياضي، اللي كل مرة كايبان أنها غادية الهاوية معه إلى بقى شاد الرئاسة.