كود سبور//

كيواصل النجم المغربي إبراهيم دياز التألق مع ريال مدريد الإسباني، وهاد الشي في انتظار يحسم المستقبل الدولي ديالو ومع من غيلعب واش المغرب بلادو الأصلية او إسبانيا اللي عندو الجنسية ديالها.

وساهم إبراهيم دياز فالرباح الكبير ديال ريال مدريد على فياريال البارح الاحد، ضمن الجولة 17 من بطولة إسبانيا، ومركا الهدف الثالث من أصل 4 أهداف ربحو بهم الريال مدريد مقابل هدف واحد لفياريال.

وفتصريح لقناة ريال مدريد بعدما سالا الماتش بين ريال مدريد وفياريال قال إبراهيم دياز: “أنا فرحان بزاف بعد الرباح وبالهدف اللي ماركيت واللعب فالتيران ديالنا ديما كيكون زوين، باغي نعنق الجماهير كاملين وديما ريال”.

ولعب إبراهيم دياز رسمي فتشكيلة ريال مدريد حتى الدقيقة 84، ونفس الشي بالنسبة للمغربي الاخر إلياس اخوماش اللي لعب رسمي مع فياريال حتى الدقيقة 74.