كود سبور//

يقدر الدولي المغربي نايف أگرد ما يكونش فالماتشات الوديين ديال المنتخب الوطني المغربي ضد كل من الإكوادور والباراگواي مع نهاية مارس الحالي.

وكشف موقع “فوت ميركاتو” الفرنسي، ان نايف أگرد طلب من الفريق ديالو مارسيليا الفرنسي، يخليوه يدير عملية على الفتق ديالو.

وحسب نفس المصدر، فأگرد باغي يتهنى من الألم ويدير هذه العملية، اللي كتاخد أسابيع ديال الراحة، وهذا الشي غادي يخليه يوجد مزيان لكاس العالم الصيف الجاي مع المنتخب المغربي.