گود سبور//

مازال قرار المغربي-الفرنسي ايوب بوعدي لاعب ليل الفرنسي، بختيار احد المنتخبين المغربي والفرنسي، خالق جو من الترقب فالمغرب وفرنسا، واللاعب مازال ما حسم فيه.

وخلال المرور حوار له على برنامج “تيلي فوت” الفرنسي، اكد ايوب بوعدي انه مازال ما اختار المنتخب الوطني اللي غادي يلعب مع، ووضح: “شرف كبير ليا يحيوني عروض من منتخبين وطنيين، وهذا القرار راه مهم، وما خاصنيش نزرب فيه، وخاصو يجي بشكل عادي وتلقائي”.

ايوب بوعدي مول 18 عام اللي كايلعب وسط تيران ليل الفرنسي، ومع المنتخب الوطني الفرنسي لاقل من 23 عام، كايتعرض لضغوطات كبيرة من الفرنسية سوا الاتحاد الفرنسي او الإعلام الفرنسي، ولكن بدورهم المغاربة من خلال الجامعة الملكية المغربية لكرة القدم قراب بزاف من محيط اللاعب ومن والديه المغاربة، باش هاد الموهبة تكون فبلاصتها الصحيحة ويلعب مع منتخب بلادو الأصلي.