الرئيسية > كود سبور > أيوب الكعبي دار ماتش كبير مع أولمبياكوس وعتقهم من الخسران وجاب لهم الرباح
25/02/2024 19:45 كود سبور

أيوب الكعبي دار ماتش كبير مع أولمبياكوس وعتقهم من الخسران وجاب لهم الرباح

أيوب الكعبي دار ماتش كبير مع أولمبياكوس وعتقهم من الخسران وجاب لهم الرباح

كود سبور//

كيواصل الدولي المغربي أيوب الكعبي التألق مع أولمبياكوس اليوناني، وقد يدير الفرق فماتش الفريق ضد استيراس تريبوليس اليوم الاحد، ضمن الدورة 24 من بطولة اليونان، وربحهم.

وسالا الماتش بين أولمبياكوس واستيراس تريبوليس بنتيجة 2 لواحد، وكانو أولمبياكوس خاسرين بواحد لزيزو بهدف ماركاه عليه يافجيني يابلوسكي فالدقيقة 45 لمصلحة استيراس تريبوليس، ولكن النجم المغربي أيوب الكعبي قدر يقلب النتيجة لمصلحة أولمبياكوس بهدف التعادل من بيلانتي فالدقيقة 78، وزاد الهدف الثاني ديال الرباح فالدقيقة 88.

وكينافس أيوب الكعبي على صدارة هدافين بطولة اليونان، وعندو 11 هدف المتصدر عندو 12 هدف، أمّا أولمبياكوس كيحتل المركز الثالث برصيد 51 نقطة، على بعد 4 النقاط من الصدارة.

موضوعات أخرى