كود سبور//

ما غايكونش الدولي المغربي ايوب الكعبي مع الفريق ديالو أولمبياكوس ضد آيك اثينا فقمة البطولة اليونانية، هذا الويكاند.

وموعت الگوليادور أيوب الكعبي فالفخذ ديالو، وهذا الشي علاش ما لاعبش مع أولمبياكوس ضد آيك اثينا غدا الاحد برسم الدورة 25 من بطولة اليونان، وحسب مصادر قريبة من النجم المغربي، راه ما عندوش شي حاجة صعيبة، وغايرجع يلعب فالقريب.

للإشارة فالإصابات مبرزطة الناخب الوطني وليد الركراكي قبل الجوج ماتشات ديال المغرب ضد النيجر وتنزانيا يوم 21 و 24 من مارس الجاري، والى جانب ايوب الكعبي موعت عبد الصمد الزلزولي، وكان نايف أكرد حتى هو توعت ولكن اصابة خفيف ورجع يلعب، اما الياس اخوماش سالا له الموسم بسبب الاصابة والعملية وامين عدلي يالاه بدا كايرجع.