وكالات//

بعد عام ونصف تقريبا بعدما بدل السمية ديال موقع التواصل الاجتماعي ” تويتر” لـ”إكس”، صدم الملياردير الميريكاني أيلون ماسك، الملايين من المتابعين ديالو بواحد التغيير الجديد.

وبلا مايعلم حتى واحد، وبدون مقدمات، بدل أيلون ماسك السمية ديال الكونط ديالو على “إكس” وولا سميتو “كيكيوس ماكسيموس”.

وبان ماسك في الكونط الجديد ديالو بطريقة مختلفة حينت بدل حتى الصورة ديالو الرسمية ودار بلاصتها صورة ساخرة.

وغير باش تعرفو راه الكونط ديال ماسك كيتابعو اكثر من 210 مليون متابع من العالم كامل.