كود سبور//

كايحاولو آياكس أمستردام الهولندي يعتقو الوضع ديالهم مع النجم المغربي الشاب عبد الله وزان، باش ما يضيعوش ويمشي من الفريق فابور، حيث الأندية الكبيرة فأوروبا باغينو وأولهم ريال مدريد الإسباني.

وحسب جريدة AS الإسبانية فأياكس أمستردام تقدمو بثلاثة عروض لعبد الله وزان لتجديد العقد ديالو مع الفريق اللي عايسالي يوم 30 يونيو 2025، ولكن النجم المغربي الشاب رفضهم، والفريق الهولندي خايف يمشي له اللاعب فابور حيث باغيينو ريال مدريد والبارصا الإسبانيين وباريس سان جرمان الفرنسي.

الجريدة الإسبانية، قالت إن ريال مدريد هو أقرب فريق لحسم الصفقة ديال عبد الله وزان مول 16 عام، واتفقو معهم مازال لهم غير التوقيع النهائي اللي غايكون مع نهاية شهر يونيو.

ويعتبر عبد الله وزان من العناصر الأساسية للمنتخب الوطني المغربي لأقل من 17 عام، ومن اللاعبين اللي ساهمو بشكل مباشر فتحقيق لقب كأس إفريقيا مؤخرا، وتألق فالبطولة على مستوى وسط التيران، وهذا الشي خلى أندية أوروبية كبيرة تبعو بحال البارصا وباريس سان جيرمان إلى جانب ريال مدريد اللي بداو المفاوضات باش ياخدوه من أياكس.