علي الصافي كود الرباط//

لقطة غبية وغريبة وحقيرة دارها وزير التعليم العالي الجديد عزالدين الميداوي، بحيث بكل عنترية رفض يسلم على سلفه في القطاع عبد اللطيف ميراوي اليوم الصباح 24 أكتوبر 2024 فتبادل السلط.

التصرف الحقير لي دار هاد الميداوي، خصو يمشي عليه فحالو، كيفاش رفض يسلم على ميراوي بطريقة فيها تكبر وفيها إساءة لبروتوكول معروف فهادشي ديال تسليم السلط.

ميداوي، لي اقترحتو بنت الباشا بلاصت ميراوي  رفض يسلم على ميراوي.

واش هذا يستحق يشد هاد القطاع الحيوي؟ لا ابدا.. واش هذا ممكن يتحارب مع لوبيات الفساد ولوبيات المصحات فملف طلبة الطب، لا هذا.. باين جاي غير يصفي حسابات مع لي كيختلف معه واللي واعر عليه فالتكوين وفكولشي. بلاصتو التقاعد ماشي الوزارة.