الرئيسية > آراء > أول مرة في تاريخ المغرب غادي يولي عندنا مغني ديال الراب بنجومية طوطو وبالقاعدة الجماهرية ديالو وبشخصيتو، وعلى خلاف الجيل الأول ديال الروابة لي بقا كينفخ فيهم الدعم ديال الدولة حتى تفركعو جابليهم الله بيهم غادي يحاربوا التطرف
05/10/2022 17:00 آراء

أول مرة في تاريخ المغرب غادي يولي عندنا مغني ديال الراب بنجومية طوطو وبالقاعدة الجماهرية ديالو وبشخصيتو، وعلى خلاف الجيل الأول ديال الروابة لي بقا كينفخ فيهم الدعم ديال الدولة حتى تفركعو جابليهم الله بيهم غادي يحاربوا التطرف

أول مرة في تاريخ المغرب غادي يولي عندنا مغني ديال الراب بنجومية طوطو وبالقاعدة الجماهرية ديالو وبشخصيتو، وعلى خلاف الجيل الأول ديال الروابة لي بقا كينفخ فيهم الدعم ديال الدولة حتى تفركعو جابليهم الله بيهم غادي يحاربوا التطرف

محمد سقراط-كود///

كنظن أنه أول مرة في تاريخ المغرب غادي يولي عندنا مغني ديال الراب بنجومية طوطو وبالقاعدة الجماهرية ديالو وبشخصيتو، وعلى خلاف الجيل الأول ديال الروابة لي بقا كينفخ فيهم الدعم ديال الدولة حتى تفركعو جابليهم الله بيهم غادي يحاربوا التطرف زعمة ويجروا الشباب بعيدا عن الأصولية وبقاو كيعلفوهم بفلوس الدعم واخا مكانت عندهم شعبية بحال لي كاينة عند الروابة دابا، وا غير لازون لازون ديال الزعيم راه الصيف كامل فين مامشيتي تسمعها من أحقر الدروبة حتى لأغلى البلايص، الديسك لي كان تفركع شحال هادي بحال هاكا هو كلنا مغاربة ديال آش كاين حتى هو كنتي كتسمعو فين مامشيتي، من غيرو راه تاحاجة ماوصلات لهاد التفركيعة لي ولاو أغاني الروابة طيديروها دابا وبلا دعم بلا لحيس، الدراري مزططين راسهم من النهار اللول بعاد على الدولة وهي بعيدة عليهم، وناضوا نشرو الراب المغربي في العالم حاليا، حقا حاليا كاين تطبيقات كثيرة لي كتساهم في هاد النشر وخصوصا تيك توك ولكن هاد الأخير راه كينشر القديم والجديد الى كان لقديم فيه فايدة غادي تلقاه مفركع فيه.

طوطو حاليا راه روك سطار حقيقي بشخصيتو ووشاماتو وحشيشو وإثارتوا للجدل راه هذا هو الروك سطار ماشي الفنان لي داخل للصف وهدرة جوج تلقاه يبكي على جمهوري العزيز ونتومة لي صنعتوني ونتوما لي منعرف شنو بحال الغافولي هاداك فنان داخل للصف دريويش ماباغي صداغ باغي يغني وياكل طرف ديال الخبز ويكون عزيز ومحبوب عند الجميع، طوطو وقبل منو حليوة هادو نجوم ديال الراب حقيقيين صابوا كاريير بمجهود شخصي ديالهم وعاشوا بموسيقتهم وبينوا لجيل ديال الروابة بلي الراب راه كيكول الخبز وكيعيش الة كنتي قافز وعرفتي كيفاش، بلا متحتاج تدخل للصف وتسنى تشد القفة ديال المعاونة بحالك بحال الفئات الهشة راك فنان الى مكانش الفن ديالك يعيشك راه مالايقش.

ونفس الهدرة لي كانت كتقال على موجة الهيب هوب شحال هادي كتقال دابا من طرف شباب ربما كانوا باقين في الدوار داك الساعة عاد دخلوا للمدينة وقراو وتوظفوا و عندهم رأي وعندهم فين يدليو بيه ولكن بلا تجديد، ديما وا راه كيخصروا الهدرة منقدروش نتفرجوا مع واليدينا، واراه كيشجعوا على تعاطي المخدرات والحشيش، واراه سراولهم طايحين، خاصهم الفنان يبقى حابس في التمانينات مايزظيد ما ينقص، أو يغني على رضاة الواليدين والزواج والولاد والوظيفة ويكون حتى هو قريب ليهم نهار لحد يلقاوه في القهوة كيفطر مع وليداتو، الفنان يكون بحالهم إنسان عادي منو الملايير.

موضوعات أخرى

04/12/2022 18:12

معهد الشرق الأوسط الأمريكي كيحذر من تداعيات التوتر المتزايد بين المغرب والجزائر واحتمال تطور الأمور  إلى مناوشات عسكرية

04/12/2022 17:20

وشوفو لي كنتساينوهم يكونو نموذج فاحترام القانون.. سيارة ديال البرلمان مركونة فوق الطروطوار وسادة الطريق كدام وزارة العدل (صورة)

04/12/2022 14:32

روح “العائلة” الودادية كتحلق بالأسود لصناعة التاريخ فمونديال قطر. بيها شفنا إنجاز 86 كيتعاود وسرها كلشي مقتنع غادي يمشي بعيد بمجموعة الركراكي فهاد الحدث العالمي