الوالي الزاز -كود- العيون////

[email protected]

أعلنت جماعة العيون عن مقترح زوين تتوخى من خلاله إشراك الساكنة فالتهيئة العمرانية ديال أحياء المدينة والعمل بمقترحاتهم من أجل المساهمة فجمالية المدينة ونوعية الخدمات العامة المقدمة.

وعلنات جماعة العيون فإطار مقاربة العمل بصفة تشاركية مع الساكنة ومنحها قوة اقتراحية عن قرار يقضي بفتح التصويت أمام جوج مقترحات لمشروع تهيئة حي الراحة شرق العيون واختيار التصميم اللي بغاو لمشروع التهيئة الجديد الخاص بالحي.

ودعا رئيس جماعة العيون، حمدي ولد الرشيد، ساكنة حي الراحة باش يصوتو على المشروع اللي بغاو فالحي باش يكون منساجم مع تطلعاتهم ويستجيب لاحتياجاتهم ويعطيهم راحة وجمالية أكثر لمُحيطهم.

هاد المبادرة هي الأولى على مستوى الجهات الجنوبية للمملكة وتعكس التواصل المستمر بين جماعة العيون والساكنة وتجسد أيضا السعي ديال الجماعة لإضفاء جمالية على المدينة ورونق تختارو الساكنة بنفسها.