كود سبور//

انسحب أول لاعب من لاليست ديال المنتخب الوطني المغربي الأولمبي، اللي اخترهم المدرب طارق السكتيوي باش يشاركو فأولمبياد باريس 2024.

وعلن أيمن الوافي قبل لحظات على أنستغرام ديالو، أنه ما غايقدرش يلعب مع المنتخب المغربي الاولمبي فأولمبياد باريس، بقرار من الفريق ديالو لوگانو السويسري.

وكان المدرب طارق السكتيوي اختار 18 لاعب باش يشارگو فأولمبياد باريس 2024، + 4 لاعبين احتياطيين باش يعوض منهم غياب اي لاعب من الـ18 اللي ختار فلاليست الاساسية.

وللإشارة فقرار المشاركة فالأولمبياد بالنسبة لرياضة كرة القدم هو بيد الاندية ماشي بيد الناخبين الوطنين او اللاعبين او الاتحادات، حيث المسابقة ما داخلاش ضمن تواريخ الاتحاد الدولي لكرة القدم.