كود سبور//
كاتعرف جلسة محاكمة سعيد الناصيري الرئيس الأسبق للوداد الرياضي، حضور نجم سابق للفريق الأحمر وهادي أول مرة يحضر فيها شي لاعب ودادي لمتابعة أطوار المحاكمة.
ويتعلق الأمر بإسماعيل الحداد اللاعب السابق للوداد الرياضي، اللي جا اليوم الجمعة 25 أبريل 2025، لمحكمة الاستئناف بالدار البيضاء وبالضبط القاعة 8، باش يحضر أطوار الاستماع لسعيد الناصيري الرئيس الأسبق للوداد الرياضي من طرف غرفة الجنايات.
ومعروف إسماعيل الحداد بالعلاقة ديالو المزيانة مع سعيد الناصيري، ملي كان هو لاعب فالوداد وكان الناصيري رئيس للنادي، والحضور ديالو للمحكمة اليوم الجمعة هو بمثابة مؤازرة ومساندة له، وراه الحداد هو أول لاعب كايجي يحضر شي جلسة من محاكمة سعيد الناصيري.
