كود -وكالات//

المؤرخة الأسترالية وصانعة المحتوى لويز جيمس لي معروفة بأبحاثها فالأدب الإيروتيكي من القرن الثامن عشر، كتشارك الجمهور ف” تيك توك” 2.4 مليون شخص، قصص وحقائق على كيفاش تبدلات الجنسانية والعلاقات الحميمة فالتاريخ، مني جمعات جزء من هاد الأبحاث فكتابها «تاريخ الجنسانية» ونشر مقال منو موقع 7/7.

1. أول ڤايبر كان مصمم للرجال

كاينة واحد الخرافة كتقول باللي جهاز التدليك المهبلي اخترعوه فالقرن التاسع عشر باش يعالجو العيالات اللي كانو كيعانيو من «الهستيريا». ولكن حسب لويز جيمس، هاد القصة ماشي صحيحة.

حيث الطبيب البريطاني جوزيف مورتيمر غرانفيل هو اللي طور أول جهاز تدليك كهربائي فبداية ثمانينيات القرن 19، وكان موجه للرجال، هاد الجهاز كان مفروض يخفف من بزاف ديال المشاكل، بحال آلام الظهر، الصمم وحتى العجز الجنسي، وكان كيتحط على منطقة العجان، بين الأعضاء التناسلية وفتحة الشرج.

2. فالعصور الوسطى، الجنس الفموي كان مرتبط بالسحر

فالعصور الوسطى، كانت بعض الممارسات الجنسية، ومن بينها «التقبيل الشرجي»، مرتبطة بالسحر والشعوذة.

وكانت واحد الطقس اللي حسب المعتقدات ديال داك الوقت كيدار باش يثبتو السحارات الولاء ديالهم للشيطان، وكانو كيسموها «قبلة العار». وكان الاعتقاد هو أن الساحرات كيبوسو مؤخرة الشيطان كجزء من هاد الطقوس.

3. حتى روث التمساح استعملوه كوسيلة لمنع الحمل

قبل ما تكون حبوب منع الحمل، الناس جربو طرق كثيرة وغريبة باش يمنعو الحمل.

بعض النصوص الطبية المصرية القديمة كتذكر خليط من التمر والعسل وأوراق السنط، كانو العيالات كيدخلوه للمهبل، وخا أن الطريقة كتبان غريبة، فأوراق السنط فيها مواد عندها تأثير قاتل للحيوانات المنوية، ومشتقات منها ما زالت كتستعمل فبعض أنواع جل منع الحمل، أما طرق أخرى فكانت أغرب، بعض العيالات كانو كيستعملو قطعة صغيرة قابلة للذوبان من روت التمساح على أمل أنها تمنع وصول الحيوانات المنوية.

4. فـ1920 كانت «حفلات التعناق» شايعة بزاف

من بعد جائحة الإنفلونزا ديال 1918، انتاشرت فالعالم الناطق بالإنجليزية حفلات كانت معروفة بـ«حفلات العناق» أو «حفلات المداعبة».

الناس كانو كيختارو شريك باش يدوزو معاه الأمسية، وكيكتاشفو الحميمية الجسدية بالعناق والتقارب، المجتمع كان خارج يلاه من الحرب والعزلة، وبالتالي كان ط عطش كبير للتواصل الجسدي.

وحسب واحد الدراسة، 92 فالمية من الطلبة شاركو فهاد النوع من الحفلات، اللي كان كيتقدّم وقتها كطريقة جديدة لاكتشاف الحميمية قبل الزواج.

5. «كورن فليكس» عندها علاقة غريبة بالتاريخ الجنسي.

الدكتور جون هارفي كيلوج كان كيدير حملة ضد العادة السرية، وكان مقتانع أنها كتسبب مجموعة كبيرة من الأمراض، من بينها مشاكل فالمسالك البولية، والجنون وحتى العجز الجنسي.

وفـ1894، اخترع واحد «العلاج» فشكل ديال كورنيفليكس حارة كيقول أنها كتزيد فالرغبة الجنسية.

6. العلاقات المفتوحة كانت علامة على المكانة الاجتماعية

فاليونان القديمة، كان عادي عند الرجال الأثرياء تكون عندهم علاقات مع أكثر من مرا، بما في ذلك الزوجات والمحظيات والعاشقات، وتعدد الشريكات كان حتى هو حاضر وسط النخب فالإمبراطورية الرومانية القديمة، ومصر، وبلاد الرافدين والصين.

7. أقدم قضيب اصطناعي عمره 28 ألف عام

أقدم قضيب اصطناعي معروف حتى الآن كيرجع لـ 28 ألف عام، فـ2005، لقاو الباحثين بألمانيا مزود فيه 20 سنتيمتر بعرض 3 سنتيمترات. وحسب الباحثين، كانت هاد القطعة تمثيلاً رمزي للأعضاء التناسلية الذكرية.

8. أول حلقة للقضيب كانت مصنوعة من الماعز

الأصل الدقيق ديال خواتم القضيب ما معروفش بشكل مؤكد، ولكن كاينين دلائل أنها كانت مستعملة فالصين فعهد أسرة جين الثانية، بين 1115 و1234.

وكانو كيصاوبوها من جلد الماعز، وكان الاعتقاد أنه كيعاون على الحفاظ على الانتصاب لمدة أطول، وبالتالي كيزيد المتعة عند الرجل والمرأة بجوج.

9. إمبراطور روماني كان كيشوف راسو كامرأة؟

الإمبراطور الروماني إيلاغابالوس، اللي عاش بين 204 و222، كيتعتبر من الشخصيات التاريخية اللي كترتبط اليوم بالنقاش على الهوية الجندرية.

كاينة روايات تاريخية كتقول بلي كان كيلبس البيريكو ويدير المكياج، وكان كيطلب يتنادى بألقاب بحال «السيدة» و«العشيقة» و«الزوجة» و«الملكة». وحتى كاينة روايات كتقول إنه عرض مبالغ كبيرة على الجراحين باش يديرو ليه عملية لتغيير الأعضاء التناسلية.

10. الممارسات السادية والمازوخية ماشي اختراع حديث

حسب إسمي لويز جيمس، بعض الممارسات اللي كتدخل اليوم ضمن السادية والمازوخية كانت معروفة حتى فالعصور القديمة.

فبقايا «فيلا الأسرار» فمدينة بومبي، كاينة رسومات كتبيّن امرأة عندها جنحين كتجلد امرأة عريانة كدير رقصة جنسية.

وحتى النصوص الهندية القديمة، ومن بينها «كاما سوترا» اللي كيرجع تاريخها تقريباً لـ400 قبل الميلاد، كتذكر استعمال بعض الممارسات المؤلمة، بحال الضرب، بهدف زيادة الإثارة والمتعة الجنسية.

وبالتالي، فالتاريخ الجنسي للبشرية عامر بممارسات وأفكار اللي بعضها كيبان غريب بمعايير اليوم، ولكن كان عندو مكان فمجتمعات وعصور اخرى.