الرئيسية > كود-تيفي > أول عملية زراعة ليدين فالعالم.. نجحات لشخص كان عندو تصلب فالجلد ديالو – فيديو
28/05/2022 00:00 كود-تيفي

أول عملية زراعة ليدين فالعالم.. نجحات لشخص كان عندو تصلب فالجلد ديالو – فيديو

أول عملية زراعة ليدين فالعالم.. نجحات لشخص كان عندو تصلب فالجلد ديالو – فيديو

وكالات //

قال الجورنال البريطاني “الكَارديان” أن أطباء بريطانيون قدرو يديرو أول عملية ديال زراعة ليدين فالعالم لشخص مريض عندو تصلّب الجلد.

المريض، اللي سميتو ستيفن كَالاكَر (Steven Gallagher)، فعمرو 48 عام، بعد 5 شهور بدا كيحرك يديه ويلعب مع الكلب ديالو وكيقدر يفتح الروبيني ويقضي حاجاتو اليومية البسيطة.

ستيفن قطع ليه يديه الأصليين بسباب تصلب الجلد اللي بلوكاهم ليه وما بقاش قادر يحركهم وكَلس الخدمة وكلشي، وكانت الأعراض اللولة ديال المرض بانت فجلدو هادي 13 عام ومن تما بدا الوجع والمعاناة ديالو.

ستيفن كَالاكَر خضع لعملية جراحية دوزات 12 ساعة فسبيطار ليدز التعليمي “NHS Trust”، وهادي هي المرة اللولة فالعالم اللي غادي يتم فيها اللجوء إلى زراعة يد مكان واحدة أخرى متأثرة بالتصلب الجلدي. المهم أن لوبيراسيون نجحات فاللخر.

موضوعات أخرى

24/06/2022 23:00

الأحرار دار بيان تحطات فيه النقاط على الحروف فأحداث مليلية الخطيرة.. تضامن مع الضحايا والجرحى وتنويه بمهنية القوات العمومية وتأكيد على الاعتزاز بالشراكة بين المغرب وإسبانيا