كود سبور//
بان الدولي المغربي نصير مزراوي فحصة تدريبية منفردة مع معد بدني هولندي معروف بأنه كيدير حصص تدريبية انفرادية لنجوم كرة القدم من بينهم لاعبين مغاربة، وهذا الشي بالتزامن مع الغياب ديال لاعب بايرن ميونخ الألماني عن المنتخب المغربي واخا تم الاستدعاء ديالو لمواجهتي زامبيا والكونگو ضمن اقصائيات مونديال 2026.
ونشر المعد البدني الهولندي دافيلويسزون صور على أنستغرام ديالو، فلاصال مع نصير مزراوي اللي كان لابس سيرفيت ديال ليكيب ناسيونال، وهو كايتريني به، وزاير له حصة تدريبية انفرادية، وهذا الشي بالتزامن مع الجدل حول الغياب ديال اللاعب عن المنتخب المغربي، بعدما أكدت مصادر من ليكيب ناسيونال ان اسباب شخصية هي اللي ورا عدم المجيئ ديالو لمعسكر الأسود واخا استدعاه الناخب الوطني وليد الركراكي، فالوقت اللي كيروج على أنه مشى للحج.
للإشارة فالمعد البدني الهولندي المذكور، كيخدم بزاف مع اللاعبين اللي كايكونو راجعين من الإصابة أو اللي ما عندهمش تنافسية حيث ما كيلعبوش باش يحتفظو أو يرجعو اللياقة البدنية ديالهم، وسبق له خدم حكيم زياش ملي ما كانش كيلعب بسبب الإصابة.
