الرئيسية > الزين والحداكة > أول صحافية ومحللة رياضية بالفرنسية فـ البلاد.. فاطمة الخمليشي توفات اليوم
10/07/2021 19:20 الزين والحداكة

أول صحافية ومحللة رياضية بالفرنسية فـ البلاد.. فاطمة الخمليشي توفات اليوم

أول صحافية ومحللة رياضية بالفرنسية فـ البلاد.. فاطمة الخمليشي توفات اليوم

كود – مكتب فاس //

علمت “كَود” أن الصحافية والمحللة الرياضية فاطمة الخمليشي ماتت اليوم السبت بمدينة فاس.

الراحلة تعتبر أول صحافية رياضية كاتدير التحليل باللغة الفرنسية فبلادنا وكانت كاتحماق على فريق المغرب الرياضي الفاسي.

مدام الخمليشي دارت التحليل لعدد من المقابلات الوطنية في القرن الماضي و وقفات قدام الميكرو في سن مبكر ودارت التحليل الرياضي عبر المذياع؛ هي بنت الرئيس السابق لفريق المغرب الرياضي الفاسي، مولاي علي الخمليشي، و الأم ديال رضا الزعيم الكاتب العام السابق لفريق المغرب الرياضي الفاسي.

وفاة هاد السيدة صدم أسرة “الماص”. كانت امرأة شجاعة. تعشق الرياضة ووفية ليها بزاف وكولشي كان كايبغيها.

وتعتبر من الجيل الأول اللي دخل مجال الإعلام الرياضي في سنوات 60 و 70، حيث كانت فاطمة الخمليشي أول فتاة مغربية وعربية خدات الميكروفون وقامت بنقل ووصف مقابلات كرة القدم خصوصا ديال المغرب الفاسي من ملعب الحسن الثاني. كما كانت تعتبر محللة رياضية متميزة.

موضوعات أخرى

03/08/2021 20:45

حتى وحلو عاد تلاحو عليه. بنكيران رافض الترشح او الدخول مستقبلا فشي انتخابات وكيوجد ردو على اصرار الامانة العامة ترشيحو