الرئيسية > آش واقع > أول حكم فعصيان حالة الطوارئ.. 6 شهور ديال الحبس لشاب حرض على التجمهر ومالزمش دارو فقنيطرة
25/03/2020 21:30 آش واقع

أول حكم فعصيان حالة الطوارئ.. 6 شهور ديال الحبس لشاب حرض على التجمهر ومالزمش دارو فقنيطرة

أول حكم فعصيان حالة الطوارئ.. 6 شهور ديال الحبس لشاب حرض على التجمهر ومالزمش دارو فقنيطرة

عفراء علوي محمدي- كود//

حكمات المحكمة الابتدائية فقنيطرة على شاب بست شهور ديال الحبس النافذ، وغرامة بقيمة 500 درهم، حيت ما لزمش دارو، وخرج يغوت فالزنقة ويحرض على التجمهر.

ابتدائية القنيطرة تابعات المعني بجنح “مقاومة أشغال أمرت بها السلطة العامة، والتحريض على ارتكاب جنحة التجمهر بواسطة الصياح المفوه به بالشارع العام، وإهانة رجال القوة العامة أثناء قيامهم بمهامهم”.

وماتابعش المتهم بالمرسم الجديد المتعلق بأحكام حالة الطوارئ الرسمية اللي تنشر لبارح فالجريدة الرسمية، بحكم أن ارتكابو لهذ الأفعال كان قبل ما يدخل المرسوم حيز التنفي، وعلى هذشي تتابع بفصول القانون الجنائي.

ومرسوم احكام حالة الطوارئ الصحية كيقول بللي اللي خرج من دارو بدون تصريح عو السلطة فحالة الطوارئ الصحية، أو حرض على الخروج او بزز على شي واحد هذشي بالإكراه، أو دعا ليه بأي وسيلة من الوسائل، عندو من شهر حتى ل6 شهور ديال الحبس، وغرامة من 300 حتى ل1300 درهم، دون الإخلال بالعقوبة الجنائية الأشد.

 

موضوعات أخرى

27/05/2020 21:50

البنك الإفريقي للتنمية اعطا تمويل للمغرب.. ممثلة البنك: ها الأهداف اللّي بغينا نحقوها والحفاظ على 75 في المائة من الوظائف -فيديو

27/05/2020 21:00

دفاع افتراضي على رفيق بوبكر.. الراجل كان في دارو كايضرب الطاسة.. فين هو خرق قانون حالة الطوارئ؟ والفيديو مافيهش إطلاقا شي بداية الإساءة للدين الإسلامي او الحس ديالها.. السيد كايضحك على أئمة الجوامع شاد فيهم ماشي في الإسلام آ بوعزة شاد في بنادم ماشي في الدين