كود سبور//

حاطين أولمبيك مارسليا الفرنسي اللي المدير الرياضي ديالهم هو المغربي مهدي بنعطية، (حاطين) العين على المهاجم المغربي حمزة إگمان المتألق مع گلاسكو رينجرز الأسكتلندي.

وكشف موقع Foot01 الفرنسي، أن حمزة إگمان عندو مهتمين به 2 أندية من النگليز واحد منهم إيفرتون، ودابا حتى أولمبيك مارسيليا دخلو على الخط وعاجبهم المهاجم المغربي اللي متألق مع رينجرز الأسكتلندي، في أول موسم له مع الفريق اللي انتقل له الصيف الماضي جاي من الجيش الملكي.

وحسب نفس المصدر، فگلاسكو رينجرز ما غايبغيوش يخليو حمزة إگمان يمشي من عندهم فهاد الميركاتو الشتوي الحالي، وممكن يناقشو ويكونو منفتحين على العروض اللي تجيه فالصيف، ولكن الفلوس وعرض مزيان ممكن يبدلو كلشي.