كود سبور//

بداو أولمبيك مارسليا اللي المدير الرياضي ديالهم هو المغربي مهدي بنعطية، (بداو) كايتحركو باش يسنيو مع المدافع الدولي المغربي نايف أگرد، وما بقاوش غير متبعينو.

وكشف موقع “فوت ميركاتو” الفرنسي، أن أولمبيك مارسيليا دارو خطوات للحصول على خدمات نايف أگرد لاعب ويستهام النگليزي اللي كان معار الموسم الماضي لريال سوسييداد الإسباني.

وحسب نفس المصدر، فكاين تقدم فملف اهتمام أولمبيك مارسليا بنايف أگرد، واللاعب المغربي حتى هو مهتم خصوصا وان فريق الجنوب الفرنسي لاعب دوري أبطال أوروبا الموسم الجاي، وأن مارسيليا بداو كايتحركو فالكواليس وتقدمو بأول عرض لويستهام باش يتعاقدو م أگرد مول الـ29 عام.