گود سبور//

تفارقو أولمبيك الدشيرة مع المدرب عبد الرحيم السعيدي، والمساعد ديالو مراد الزيتوني.

وحسب أولمبيك الدشيرة فالفراق مع المدرب عبد الرحيم السعيدي والمساعد ديالو، جا بالتراضي بين جميع الأطراف وبالتفاهم المتبادل.

وقدر عبد الرحيم السعيدي يطلع أولمبيك الدشيرة الموسم اللي فات للقسم الأول، وخلاهم مكلاسيين دابا فالمركز الثامن برصيد 16 نقطة.

للإشارة فعدد من أندية البطولة الاحترافية بدلو هذا الموسم المدربين ديالهم، منهم الرجا والوداد والحسنية والكوكب والزمامرة وطنجة وآسفي.