كود سبور//

دار المنتخب الوطني المغربي الأولمبي اليوم الثلاثآخر حصة تدريبية قبل الماتش اللي غايلعب غدا الأربعاء ضد المنتخب الأرجنتيني، برسم الجولة الأولى عن المجموعة الثانية من دورة الألعاب الأولمبية “باريس2024”.

وركز طارق السكتيوي مدرب المنتخب الوطني المغربي، خلال الحصة التدريبية ديال اليوم، واللي شاركو فيها كل اللاعبين اللي عيط عليهم للأولمبياد، على وضع آخر اللمسات على المجموعة قبل الماتش ضد الأرجنتين.

وبخصوص الحكام ديال ماتش المغرب والأرجنتين، عين الاتحاد الدولي السويدي نيوبرگ كيلن كحكم وسط وغايعاونو المواطنين ديالو بيجي مهبود وسودركيفست أندرياس، أما الحكم الرابع فهو الدنماركي كلاگلوند فريدا، وغايكون الحكم الطالياني فاليري باولو فغرفة الحكم المساعدة بالفيديو، VAR وغايعاونو الروماني هاتيگان أوفيدو.

وغايبدا ماتش المغرب والأرجنتين غدا الاربعاء، مع 2 ديال النهار بتوقيت المغرب اللي هي 3 بالتوقيت الفرنسي، فتيران  جيو فروي جوشارد بمدينة سانت إتيان.