كود سبور//

ما قدرش المنتخب الوطني المغربي الأولمبي يتأهل إلى نهائي أولمبياد باريس 2024، بعدما خسر مع الصبليون فالدومي فينال اليوم الاثنين فتيران الفيلودروم فمارسيليا.

وسالا الماتش بين المنتخب المغربي والإسباني بنتيجة 2 لواحد لمصلحة المنتخب الإسباني، وكان المنتخب الوطني المغربي هو السباق للتسجيل بهدف ديال سفيان رحيمي من بينالتي فالدقيقة 36، وقدر المنتخب الإسباني يماركي التعادل بواسطة فيرمين لوبيز فالدقيقة 66، وفالوقت اللي كان فيه المنتخب المغربي كايضع فالفرص ديال التسجيل، قدرو لاعبين الصبليون يغفلو المدافعين المغاربة بهدف فالدقيقة 85، بواسطة خوانلو سانشيز.

وبهذه النتيجة ودع المنتخب المغربي الأولمبي سباق المنافسة على الميدالية الذهبية وحتى الفضية، وغايتسنى الخاسر من الدومي فينال الثاني بين مصر وفرنسا باش يعرف الخصم ديالو فماتش الترتيب على المركز الثالث ديال الميدالية البرونزية، أما المنتخب الأسباني تأهل للفينال.