كود سبور//

توج المنتخب الإسباني الأولمبي بثاني ميدالية ذهبية فالتاريخ ديالو فالألعاب الأولمبية، بعدما ربح ذهبية أولمبياد باريس 2024، بالفوز على المنتخب الفرنسي اليوم الجمعة فالفينال فستاد دو فرنس.

وسالا الوقت الأصلي من ماتش المنتخب الإسباني والمنتخب الفرنسي فالفينال بنتيجة التعادل الإيجابي 3 مقابل ثلاثة، وكانو الفرنسيين هما اللي ماركاو الأولين فالماتش بواسطة إينزو ميليت فالدقيقة 11، قبل ما يقلبو الصبليون النتيجة بواسطة فيرمين لوبيز فالدقيقة 18 و25، وأليخاندرو باينا رودريگيز فالدقيقة 28، ورجعت فرنسا سجلت هدفها الثاني فالدقيقة 78 بواسطة ماگينس أكليشو، وقدرت تماركي التعادل فاللحظات الأخيرة من الماتش بواسطة جون فيليب ماتيتا، ومشاو المنتخبين لعبو الأشواط الإضافية وفيها قدرو الصبليون يماركيو هدف الرباح فالدقيقة 99 بواسطة سيرجيو كاميلو.

وبهذه النتيجة توج المنتخب الإسباني بثاني ميدالية ذهبية له فالألعاب الأولمبية بعد ذهبية أولمبياد برشلونة 1992، وهادي هي الميدالية الخامسة للمنتخب الإسباني اللي عندو دابا 2 ذهبيات 3 فضيات، وخدا المنتخب الفرنسي ثاني ميدالية فضية له، مع العلم ان المنتخب المغربي ربح الميدالية البرونزية فإنجاز تاريخي.