كود سبور//

عرف المنتخب الوطني المغربي الأولمبي الخصم ديالو فدومي فينال أولمبياد باريس 2024، وغايلعب مع المنتخب الإسباني اللي ربح الميدالية الذهبية فأولمبياد برشلونة 1992.

وربح منتخب إسبانيا منتخب الجابون قبل لحظات من مساء اليوم الجمعة، فربع نهائي أولمبياد باريس بنتيجة 3 لزيرو، ماركا له 2 منهم فيرمين لوبيز فالدقيقة 11 والدقيقة 73، وزاد أبيل رويز الهدف الثالث فالدقيقة 86.

المنتخب المغربي اللي ربح الميريكان فربع النهائي بنتيجة 4 لزيرو، غايلعب مع الصبليون الاثنين الجاي فتيران فيلودروم فمارسيليا مع 5 العشية بتوقيت المغرب.