كود سبور//
سالا المنتخب الوطني المغربي الاولمبي اليوم الجمعة، الاستعدادات ديالو للماتش ضد المنتخب الأوكراني اللي غايتلعب غدا السبت برسم الجولة الثانية من المجموعة الثانية من منافسات دورة الألعاب الأولمبية باريس2024.
وعرفت الحصة التدريبية حضور جمعيه لاعبين المنتخب الوطني المغربي الاولمبي، وركز فيها المدرب طارق السكتيوي على وضع اللمسات على المجموعة قبل الماتش ضد أوكرانيا اللي غايكون غدا فتيران جيو فروي جوشارد، بمدينة سانت إتيان مع الرابعة ديال العصر بالتوقيت المغربي وهي 5 العشية بتوقيت فرنسا.
وقرر الإتحاد الدولي لكرة القدم تعيين الحكم الهندوراسي هيكتور مارتينيز سعيد لقيادة الماتش بين المغرب واوكرانيا وغايعاونو المواطنين ديالو لوبيز والتر، وراميريز كريستيان، اما الحكم الرابع فهي الحكمة الدنماركية كلاگلوند فريدا.
وباغي المنتخب الوطني المغربي الاولمبي يربح منتخب أوكرانيا باش يضمن التأهل إلى الدور الثاني من أولمبياد باريس قبل الجولة الأخيرة، بعدما كان ربح الأرجنتين فالجولة الاولى امام أوكرانيا كانت خسرت مع العراق، وباغيين يعوضو الخسارة امام المغرب.
