كود سبور//
قدر المنتخب الوطني المغربي يبدا مزيان ماتش ربع نهائي أولمبياد باريس2024، للي بادي فهاد اللحظات من اليوم الجمعة فتيران بارك دي برانس ضد منتخب أمريكيان ونجح أنه يخرج رابح فالشوط الأول.
وسالا الشوط الأول بين المنتخب الأولمبي والمنتخب الأمريكي بنتيجة واحد لزيرو لمصلحة الأسود، وهو الهدف اللي ماركاه سفيان رحيمي بعدما جاب ضربة جزاء ملي اضطر مدافع ميريكاني يضرب ولد يوعري وصفر الحكم على بينالتي، ضربو هو نيت وماركاه فالدقيقة 28، وبهذا الهدف عزز رحيمي صدارتو لهدافين الأولمبياد حتى لدابا برصيد 5 أهداف.
وللإشارة فالمنتخب المغربي الأولمبي كان أكثر استحواذا على الكرة فالشوط الأول، وضغط بزاف على الميريكانيين اللي كانو راجعين اللور وما قدروش يديرو شي محاولات على مرمى منير المحمدي.
ومن المنتظر يزيد يقلب المنتخب الوطني المغربي بقيادة المدرب طارق السكتيوي على ثاني باش يقتل به الماتش، ويستغل الخروج ديال الميريكانيين اللي غايخرجو يقلبو على التعادل فماتش غاتعرف النهاية ديلو تأهل منتخب واحد إلى دومي فينال أولمبياد باريس، والمنتخب الاخر غايودع البطولة.
