گود سبور//

بدا المنتخب الوطني المغربي الاولمبي كايوجد لمواجهة أوكرانيا فالجولة الثانية من دور مجموعات أولمبياد باريس2024.

وكايديرو لاعبين المنتخب الوطني المغربي فحاد اللحظات من اليوم الخميس، حصة تدريبية فلاصال باش يرجعو اللياقة البدنية، وقبل ما يبداو التداريب فالتيران، ومركزين اللاعبين مزيان فالتداريب خصوصا وانه ما كاين وقت كبير ما بين الماتشات.

وكان المنتخب الوطني المغربي الاولمبي ربح البارح الاربعاء منتخب الأرجنتين بنتيجة 2 لواحد فإفتتاح أولمبياد باريس، ومتصدر المحموعة الثانية مع العراق اللي ربحو أوكرانيا وكل منتخب عندو منهم عندو 3 النقاط.

وغايلعب المنتخب الوطني المغربي الاولمبي السبت الجاي مع 4 العشية ضد أوكرانيا فمدينة سانت إتيان الفرنسية، فماتش مهم بزاف والرباح فيه كيعني ضمان التأهل إلى الدور الثاني.