كود سبور//

لقاو البارصا ريوسهم مجبرين يعطيو لأوساسونا فلوس من صفقة انتقال الدولي المغربي عبد الصمد الزلزولي، اللي مشى من بارصيلون لريال بيتيس الصيف الماضي.

وحسب جريدة “موندو ديبورتيفو” القريبة من البارصا، فالأخير توصل لاتفاق مع أوساسونا باش يعطيه مبلغ 550 ألف أورو، من مبلغ 5,5 ملايين أورو دخلها النادي صافية من صفقة انتقال عبد الصمد الزلزولي إلى ريال بتيس، أي نسبة 10%.

نفس المصدر أكد أن هادشي هو تطبيق لاتفاق بين البارصا وأوساسونا فعقد انتقال اللاعب إلى الأخير بريطي عام 2022، واللي لعب معه موسم واحد وكان مستواه كبيره.