كود – سبور //

دراسة صدرات عن Foot Mercato كتكشف واحد المفاجأة كبيرة، فرنسا وخا ملاعباش فالبطولة، ولكن هي البلاد لي تزاد فيها أكبر عدد ديال اللاعبين لي مشاركين فالكأس، حيث كاين 107 ديال اللعابة تزادو على ففىرنسا، هذا رقم كيحطم كل الأرقام ديال الدول الأخرى.

الترتيب كيوري الدول اللي تزادو فيها اللاعبين: بعد فرنسا كاين كوديفوار (29)، إفريقيا الجنوبية (28)، مصر (25)، ونيجيريا (24)، أوروبا كاملة كتمثل كثر من ربع اللاعبين  (186 لعاب) الشي لي كيوري الدور الكبير ديال الجاليات فالكرة الإفريقية.

على المستوى الجهوي، Île-de-France هي المنطقة اللي خرجات أكبر عدد ديال اللاعبين، بـ45 لعاب، وكتفوت حتى مدن إفريقية معروفة بحال باماكو ولا أبيدجان، المغرب حتى هو عندو خصوصية، حيث المنتخب المغربي عندو اللاعبين تزادو ف14 دولة مختلفة، 14 منهم فالبلاد و14 فالخارج (إسبانيا، فرنسا، هولندا، بلجيكا، كندا).

هاد الإحصائيات كتأكد باللي الكان 2025 ماشي غير بطولة رياضية إفريقيا، ولكن حدث عالمي كيجمع المواهب من جميع البلدان، هاد النسخة كتبين باللي كرة القدم الإفريقية ولات ملتقى عالمي ديال المواهب والقصص والثقافات المشتركة.