وكالات //

قررات شركة “ميتا” تأجل إطلاق الخدمة ديال التواصل والهضرة على فيسبوك وإنستغرام وواتساب المدعومة بالذكاء الاصطناعي.

على حساب ماقالت الصحافة الأوروبية فهاد القرار جا بسباب الضغوطات المتواصلة ديال الاتحاد الأوروبي على هاد الخدمة لي سميتها Meta AI.

وأكدات نفس المصادر أن الدول الأوروبية كتطلب بزاف ديال الضمانات من “ميتا” بخصوص حماية الخصوصية ومزال كتدير بزاف ديال المراجعات لي عندها علاقة بهادشي.

وهادي مشي أول مرة كتدير أوروبا هاد الشي لشركة “ميتا”، ومكتخليهاش تطلق الخدمات ديالها بسباب داكشي لي عندو علاقة بالخصوصية.

وكانت “ميتا” علنات أنها كتدرب الخدمة الجديدة المدعومة بالذكاء الاصطناعي لي هو برنامج LLM الخاص بها ولي سميتوLlama، ولكن كاع هاد الخطط ديالها أجلاتهم لأجل غير مسمى.