كريم الصوفي – كود//

[email protected]

نشرت يومية “إل اسبانيول”، مؤخرا، تفاصيل عملية تحقيق مشتركة بين المغرب وإسبانيا حول فضيحة بيع الفيزات بقنصلية إسبانيا فطنجة، بـ 15 مليون سنتيم للمغاربة اللي باغين يمشيو يستقرو ف إسبانيا. هاد الفضيحة كتعرف تورط القنصل العام الإسباني ف طنجة اللي كاينة أوديوات كتورطو.

وحسب الجريدة ذاتها، هاد الممارسات الاحتيالية مستمرة هادي 4 سنين على الأقل، وعدد الفيزات اللي تعطى بهاد الطريقة غير معروف. القضية كتعرف تورط سكرتيرة القنصل ومديرة قسم التأشيرات و2 سماسرية مغاربة من بينهم مستشارة جماعية.

وتفضحات القضية بعد شكاية ديال مغربي دفع 15 مليون وخاذ الفيزا، لكن لقاها صالحة غير لـ3 شهر وخاصو من بعد هاد الفترة يبقى حارگ وكيقلب على راسو. المشتكي ما تقبلش هاد الشي وتقدم بشكاية للبوليس فيها تسجيلات ومحادثات عبر الواتساب..

https://www.elespanol.com/espana/20230621/implican-varios-audios-tanger-visados-marroquies-espana/772422868_0.html