وكالات //

قال موقع أكسيوس الميريكايني، أن شركة “أوبر” المتخصصة في التوصيل حيدات واحد الخاصية سميتها “درزلي” Drizly  ولي متخصصة فتوصيل الشراب.

وكانت “أوبر” شرات هاد لابليكاسيون من الشركة ديالو بكثر من مليار دولار، فصفقة مثيرة بزاف.

لي خلا “أوبر” تحيد هاد لابليكاسيون لي كتعرض فيها الشركات دالشراب، وكتخلي الكليان يكوموندي ويوصلو ليه الشراب هو مشكل أمني خطير.

المشكل الأمني بان فين تأكدات الشركة أن واحد الاختراق وقع ليها وسرقو فيه المعلومات ديال 2.5 مليون كليان.

المصيبة لي دابا كتهدد الشركة، هي أن التقارير كتقول أن الشركة كانت عارفة هادشي من هادي عامين وضاربا الطم عليه ويالاه دابا دارت هاد القرار.