كود سبور//

أكد أنيس محفوظ الرئيس الأسبق للرجاء الرياضي أنه تمت المصادقة على التقريرين المالي والأدبي للموسم الرياضي 2021-2022، اللي ترأس فيه الرجاء هو قبل منو الرئيس الأسبق رشيد الأندلسي، بأغلبية المنخرطين، وأن المرحلة الجاية هي مناقشة الحصيلة المالية ديال الرئيس السابق عزيز البدراوي اللي شد الرجاء من وراهم بالتزكية.

وكشف أنيس محفوظ بعدما سالا الجمع العام. على شنو وقع فيه، وقال فتصريح لـ”كود”: “تم تداول ونقاش النقاط المالية والأدبية ديال موسم 2021-2022، اللي عرف تولي المسؤولية من طرف 2 مكاتب، الأول ديال الرئيس الأسبق رشيد الأندلسي، والثاني بالرئاسة ديالي أنا، والمنخرطين تمنحت لهم جميع التفاصيل المالية بالنقطة والفاصلة والمعطيات وليشيفر والتحويلات البنكية والجمع العام بأغلبيتو تداول فالمسائل المالية وصادق”.

وكمل أنيس محفوظ، وقال: “كانو تحفظات وكانو ملاحظات ديال المنخرطين وهذا الشي كيدخل فالشفافية والديمقراطية اللي كاينة فنادي الرجا،ء وحنا فرحانين حيث رجعنا لهاد العمل، بعد واحد الفترة اللي كان فيها واحد الإجماع وتزكية، وحنا فالرجاء ما كنشتغلوش بالتزكية، وكنشتغلو بتضارب الأفكار وبالنقاش، والمحطة المقبلة هي تكملة الجمع العام فالحصيلة المالية ديال الرئيس السابق عزيز البدراوي”.