كود سبور//

قرر الإيطالي كارلو أنشيلوتي يمشي بحالو من ريال مدريد الإسباني، مع نهاية هذا الموسم حسب الإعلام الإسباني، وغايكون الإسباني تشابي ألونسو مدرب باير ليفركوزن الالماني هو الخلف ديالو.

وكشفت إذاعة radio estadio الإسبانية، ان المدرب كارلو أنشيلوتي حسم القرار ديالو بالرحيل عن ريال مدريد الصيف الجاي، قبل من موسم واحد على نهاية العقد ديالو مع بطل أوروبا، وانه بقات له غير هذه الأشهر المقبلة مع الفريق، وقرر يمشي كيفما كانت نتائج ريال مدريد سوا توج مع نهاية الموسم بالألقاب او ما مربحش الالقاب.

نفس المصدر وضح أن الإسباني تشابي الونسو اللاعب السابق لريال مدريد والمدرب الحالي لباير ليفركوزن بطل المانيا الموسم الماضي، غايكون هو المدرب الجديد لريال مدريد فبلاصة كارلو أنشيلوتي.