وكالات – كود //

دخلات سيدة سميتها  “فيكي غرين” وفعمرها 32 عام التاريخ فبريطانيا ، كأول أم كتولد توام كيفصل بيناهم تقريبا جوج ديال الصيمانات ، الأول سماوه “بريسلاي” وزنو 800 غرام ولداتو فالأسبوع 26 من الحبالة ، لكن ما يعرف ب “طلق الولادة” توقف وإحتافضات الرحم بأختو التوأم لي سماوها “بايسلاي” لمدة 12 يوم ، قبل ما يديرو للأم عملية قيصرية وخرجو الرضيعة للحياة وكتوزن 1.3 كيلوغرام .

وحققت الأم لي خدامة مساعدة تدريس فمدرسة ديال ذوي الاحتياجات الخاصة ف”مانشستر” بهاذ الولادة ، رقم قياسي كأطول فترة كتفصل بين توأمين في إنجلترا، والي جات بعد حمل بالصدفة  ،بحيت قالت الأم أن الدورة الشهرية ديالها توقفات وتصحابها غير بسبب التوتر ، ودارت إختبار حمل ، ومنبعد دارت فحص بالأشعة ، وإكتاشفات أنها حاملة بجوج توام ، حمل مخلاهاش حتى تولفو حيتاش بعد أسبوعين خضعات للولادة المبكرة .

والتوأم بقاو فالصبيتار لمدة 5 شهور،  قبل مايسمحو ليهم يديوهم معاهم للدار بعدما صبحو بصحة جيدة.