كود سبور//
توج الدولي المغربي أمين عدلي بثاني لقب له مع باير ليفركوزن الالماني، بعدما ربحو السبت لقب كاس ألمانيا.
وجا تتويج باير ليفركوزن بطل ألمانيا، بكاس لالمان بعدما ربحو اليوم السبت فريق كايزرسلاوترن الممارس فالقسم الثاني من البطولة الالمانية بنتيجة واحد لزيرو، ماركاه گرانيت تشاكا فالدقيقة 17.
وعرفت المباراة النهائية مشاركة أمين عدلي كإحتياطي، ودخل فالدقيقة 46 من عمر اللقاء، وبهاد التتويج كيكون ربح ثاني لقب مع ليفركوزن بعدما ربحو بطولة لالمان قبل أسابيع، وضيعو لقب اليوروبا ليگ قبل أيام.
