گود سبور//

تأهل أمين عدلي مع باير ليفركوزن الألماني لفينال اليوروبا ليگ، أما أمين حارث وعز الدين أوناحي تقصاو هما وأولمبيك مرسيليا من الدومي فينال، وقدر أيوب الكعبي ويوسف العربي يتكاليفاو لفينال الكونفيرونس ليگ.

وتأهل أمين عدلي وباير ليفركوزن لفينال اليوروبا ليگ بعدما تعادلو فروتور الدومي فينال روما الطالياني بنتيجة 2 لجوج وبقاو بلا خسارة هذا الموسم، ونتيجة لالي اللي ربحوه ليفركوزن بجوج لزيرو كان عندها دور حاسم فالتأهل ديالهم.

أما أمين حارث وعز الدين أوناحي ما قدروش يتأهلو لفينال اليوروبا ليگ، بعدما خسرو اليوم الخميس هما وفريقهم أولمبيك مارسيليا الفرنسي فروتور الدومي فينال مع أتلانتا الطالياني بنتيجة 3 لزيرو، وكانو تعدلو فلالي بنتيجة واحد لواحد.

وفالكونفيرونس ليگ، قدر يتأهل أيوب الكعبي ويوسف العربي مع أولمبياكوس اليوناني، للفينال بعدما ربحو استون فيلالي روتور فالدومي فينال، بعدما تألق أيوب الكعبي وضرب 2 أهداف ديال الرباح.